Mañaritik abiatuta Mugarrikolandaruntz abiatuko dira mendizaleak. 2.edizio honetan aldaketa txiki bat sartu da, Mugarrikolandatik ‘Marmol’ bezala ezagutzen den gunera jaitsi eta handik berriro Mugarrikolandara bueltatuz (lehen hornidura puntua). 

Hortik, Artatxagane (996m) eta Leungane (1008m) igoko dira Amudiako iturrira jaisteko ondoren. Zati tekniko baten ostean Inunganeko aterpetxera iritsiko dira Mañarira itzultzeko jaitsierari ekinez. Mañariko plazan martxa bukaerako hornidura dastatu ahal izango dute mendizaleek.

Ibilbide ederra Mugarra bere magaletik eta Urkiola Parke Naturaleko panoramika zoragarriez gozatzeko bi tontor nagusienetatik.